David Moyes a bang

Sunderland manager David Moyes chu a hna aṭangin a bang. Moyes hian a naute hi season thara Premier League khel zel turin a inhamtan pui zo lo a ni.

Black Cats hian thla hmasa khan league match-ah Bournemouth an hneh lo a, an tla dawn tih a chiang, kum 10 chhung zet an chamchilh tawh EPL an mangṭha a ngai.

Kum 54-a upa Moyes hian season tawp hma chu a ban tur thu hi a sawi mai bik lo, Thawhṭanni khan club chairman Ellis Short hnenah a banna thu hi a hriattir a ni.

Everton leh Man­chester United boss hlui Moyes hian ni­kum July thla khan Sam Allardyce thlakin Sun­derland a enkawl ṭan, beisei ang result erawh a neih pui thei lo. Season liam ta khan league match vawi ruk chiah chak ni hmel an hmu a, point 24 hmuin table mawng­phahah an awm.

Moyes chuan, "Player leh ka thawhpui zawng zawngte Premier League lama an kir leh ngei theih nan duhsakna ka hlan," tiin a sawi.