Wimbledon beiseitu Victoria Azarenka

World number 1 hlui Victoria Azarenka chuan fapa a neih hnuah tennis court-a rawn kir a tum hnai, July thla a khelh tur Wimbledon-ah inlan theih a beisei.

Kum 27-a upa Azarenka hi nikum French Open hnuah a la inkhel leh lo, December thla khan fapa a nei - tunah chuan inkhel turin zawi zawiin training a nei leh tawh a ni.

Hmeichhe tennis thuneitu sang Women's Tennis Association dan leh hrai ang chuan 'Nau an pai aṭanga thla 12 hnuah an rawn kir leh chuan an chawlh tirha an ranking ngai bawk an nei leh thei ang,' tih a ni. Azarenka hi a rawn kir hnuah world number 6 a ni dawn tihna a ni.

Grand Slam vawi 23 champion tawh Serena Williams pawhin tun dinhmunah fa a pai avangin a chawl mek, American star hian tun favang vel bawrah hian a fa pakhatna neih a inbeisei.