City ka chhuahsan dawn - Clichy

Manchester City de­fen­der Gael Clichy chuan season tharah chuan Etihad Stadium-ah a awm chhunzawm dawn tawh loh thu a tichiang ta.

Kum 31-a upa Clichy hian Arsenal aṭangin 2011 season khan Manchester City a zawm a, match 203 khelh sakin Premier League nomawi pahnih bakah League Cup pakhat a chawi pui a ni.

City player zingah - Clichy, Willy Caballero, Bacary Sagna, Yaya Toure leh Jesus Navas te chu season tawp rual hian an contract a tawp dawn. Kar hamsa khan Pablo Za­ba­let-a'n a chhuah tur thu a sawi chiang tawh bawk.

France international Clichy chuan, "Thil sawi har leh sawi nuam lo tak a ni chungin season tharah chuan he hmunah hian ka awm zui tawh dawn lo tih erawh ka sawi chiang," a ti. Cli­chy hian keeper Joe Hart din­hmun a chian loh chhun­zawm thu a sawi tel bawk.