Mizoram hmeichhia an tla

22nd Senior Women's National Championship-ah Mizoram beisei a tawp. Nimin khan Phagwara, Punjab-ah Mizoram hian Pondicherry 6-2 in an hneh lo.

Mizoram hian an match hmasa berah West Bengal an draw a, match hnihnaah Uttarakhand 5-2 in sawp mah se group khat aṭanga pakhat chauh tlang tur a nih avangin match hnuhnung berah Pondicherry lakah point thum hlawhchhuah a ngai a, an tihlawhtling thei lo.

Pondicherry hian Mizoram an hmachhawn hmain Uttarkhand leh West Bengal an hneh tawh a, Mizoram nen hian half time thlengin 2-2 a ni. Second half-ah Mizoramin chak tuma an nawr luat an tuar lo a, team ṭha zawk Pondicherry-in goal li dang an khung belh.

Mizoram hian knockout round lut pha lo mah se senior level-a point li an hlawh chhuak a, West Bengal nen group khata awmin an point hmuh zat a inan bawk Lalsangzuala Hmar hote result hlawhchhuah hi lawmna tur a ni.