Defoe leh Bournemouth An inhnimhnai

Sunderland striker Jermain Defoe chu Bour­nemouth nen an indawr mek a, he thu ziak i chhiar meuh chuan kum 34-a upa striker hi Cherries pla­yer a ni tawh hial mai thei.

Defoe hian January 2015 khan Black Cats hi a zawm a, a season hmasa berah goal li lek khung mah se 2015-16 season-ah erawh match 34 khelin goal 18 a khung sak a, season hman zawh takah khan inelna hrang hrangah match 36 khelin goal 15 a khungsak bawk.

Kum 2013 hnua a vawi khat nana kuminah England tana inlan Defoe hi Bournemouth-ah a mikhual lo. West Ham player a nih lai 2000-01 ah khan loan-in kaltir a ni a, Cherries tan hian second division-ah match 29 khelin goal 18 ngawt a khungsak a ni.

Khawthleng media-te chuan Defoe hian Bournemouth-ah hian kum hnih cham turin contract a ziak dawn niin an tarlang a, karkhatah £80,000 hlawh tura beisei a ni bawk.