CYMA Football-ah champion lai Armed Veng tla

Central YMA-in football inel­na a buat­saih tawha champion ngun ber leh champion lai Armed Veng chu nimin khan Lammualah penalty shootout hmanga Chanmari hneh loin an tla. Kumin NECS Cup champion Chhinga Veng-in Last 32 an lut thung.

CYMA leh MFA ṭangkawpin an buatsaih TṬ Royte Trophy - Inter Branch YMA Football Tournament-ah branch 32 chiah an dam ta. Vawiin hian Last 32 khelh ṭan nghal tur a ni a, Lammualah chauh inelna hi neih a ni tawh ang a, Round of 16 aṭangin intum tur hi pawh ṭhat leh tur a ni.

Lammualah Last 32 aṭangin inkhel en man hi Rs 30 lak a ni tawh ang.

Champion rinkai an tla!

Kumin CYMA Football ṭan hmaa champion tura rinkai zingah Armed Veng, Armed Veng South leh Bethlehem Vengthlang te team 32 zingah an inhlangkai zo lo. Team ṭha zinga mi Zemabawk North leh Venghlui ten nimin khan an khingpui Bawngkawn leh Khatla an hneh lo bawk.

Nimin khan Chanmari-in Rochhingpuia free­kick hmangin Armed Veng lakah hma an hruai a, champion laiin Mizoram Police forward Lalfakzuala hmangin an sut. Armed Vengin penalty hmuh an beisei chu referee-in a tih hlawhtlin sak lo a, penalty shootout-ah a vanduai zawkah an ṭang.

Kumin NECS Cup-ah Armed Vengin penalty shootout hmanga Republic Veng an hneh loh avangin an nomawi an chân tawh. Vawi thum a zawna an champion tawhna CYMA Football-ah pawh Armed Veng hi penalty shootout hmang bawkin an chak lo a, player nei ṭha veng hi team ṭha lakah an tla.

Aizawl FC captain hlui David Lalrin­muana leh Shillong Lajong forward Samuel Lalmuanpuia te khelhna Zemabawk North-in NECS Cup finalist Bawngkawn lakah goal hnih khung hmasa mah se an humhim zo lo a, inkhel boruak sangah goal ruk zet lutin penalty shootout-ah Bawngkawnin hnehna an chang.

Last 32 lut tur zinga ngaih first division club nei Venghlui chu Khatla Veng lakah an tlawm a, goal awm chhun khungtu chu MPL5-a Dinthar FC tana goal riat khungtu Michael Lalremruata a ni.

Thlirlawkna Tawi

Vawiin match hmasa berah veng inkhelh thiam Dintharin tun hnaia ṭhangduang tak ITI Veng an hmachhawn dawn a, a hmuhnawm ang.

Tuikual North-in Leitan an hmachhawn zui dawn a, BVT hnehtu Leitan nge team ṭang rual Tuikual North chak ang?

Chatlangin last 32 lut turin goal 11 an khung tawh a, goal an la chhuah lo. Vawi hnih champion tawh Chaltlang hian talent nei ṭha Kawrtethawveng lakah fiahna an hmachhawn ang.

Match hnuhnung berah Aizawl Venglai leh Chanmari West an inhmachhawn dawn a, MPL club nei veng hi ṭha zawk tura ngaih an ni a, Venglai lam hian rawlthar ṭha an kawl nual thung.

Round of 32 - LAMMUAL
Vawiin Inkhel Tur
09:30 AM Dinthar Vs ITI Veng
11:30 AM Leitan Vs Tuikual North
01:30 PM Kawrtethawveng Vs Chaltlang
03:30 PM Aizawl Venglai Vs Chanmari West
May 26, Zirtawpni
09:30 AM Zawlnuam Borai Vs Samlukhai
11:30 AM Lengpui Vs Electric Veng
01:30 PM Ramhlun South Vs Ramthar Veng
03:30 PM Khawzawl Jt YMA Vs Republic Vengthlang
May 30, Thawhlehni
09:30 AM West Phaileng Jt YMA Vs Chanmari
11:30 AM Republic Veng Vs Ramhlun North
01:30 PM Hualngohmun Vs Khatla
03:30 PM Ramhlun Vengthar Vs Chhinga Veng
May 31, Nilaini
09:30 AM Khawlailung Vs Salem Veng
11:30 AM Kelsih Vs Bawngkawn
01:30 PM Durtlang Vs Luangmual
03:30 PM College Veng Vs Kawnpui Vengthar

Nimin Inkhel Results
LAMMUAL (Group A & B)
Armed Veng 1 - 1 Chanmari
ARM : Lalfakzuala 37’
CHA : Rochhingpuia 18’
Penalty Shootout-ah Chanmari 4-2 in an chak
Hnahlan 0 - 2 Ramhlun North
RAM : Victor VL Lawmawma 6’; V. Lalchhuanawma 22’
Khatla 1 - 0 Venghlui
KHA : Michael Lalremruata 25'
Puilo 0 - 10 Chhinga Veng
CHH : Khawpuimawia 9', 36', 64', 76', 77'; Rochharzela 31', 90'; Lalsawmzela 67', 87'; F Lalnuntluanga 89'
Jt YMA FIELD, VAIVAKAWN (Group E & F)
Sihphir 3 - 3 Luangmual
SIH : R. Lalnunmawia 5'; Lalthafamkima 64'; VL Hriatpuia 79'
LUA : Lalramzauva 28'; H. Zonunthara 42'; Vanrammawia Ngente 90+3'
Penalty Shootout-ah Luangmual 6-5 in an chak
Bawngkawn 3 - 3 Zemabawk North
BAW : Lalnuntluanga 43'; MS Dawngliana 82'; Lalmuankima 90+2’
ZEM : Lalmalsawma 11'; Lalremruata 14'(OG); David Lalrinmuana 90+3’
Penalty Shootout-ah Bawngkawn 4-2 in an chak
Dawrpui Vengthar 0 - 0 Salem Veng
Penalty Shootout-ah Salem Veng 6-5 in an chak
Kawnpui Vengthar 1 - 1 Thingsul Tlangnuam
KAW : Lalnunpuia 31'
THI : C. Lalnunpuia 19'
Penalty Shootout-ah Kawnpui Vengthar 5-3 in an chak