MSL4 khel tur zawnna

Zanin dar 8:00 hian Chanmari Hollow leh Dawrpui Vengthar SC ten Hawla Indoor Stadium-ah season thara Mizoram Super League khel tur an zawng dawn.

Hollow hian MSL-a an season khatnaah table mawngphaha awmin league round khar mah se relegation playoff-ah Zarkawt Serpents an hneh.

MSL4 khel turin Hollow tan Division I pahnihna DVSC hneh a ṭul dawn a, best of three a khelh tur a ni. Zanin hian Game 1 khelh a ni ang a, Game 2 hi May 26 zanah khelh chhunzawm leh nghal tur niin Game 3 khelh a ngaih chuan May 27 zanah khelh leh tur a ni.