USA-a zin tur India Under 23

Qatar khawpui Doha-a khelh tur AFC Under 23 Championship qualifier inbuatsaih nan India U23 chuan USA-ah training an nei dawn. Inelna hi July 19 aṭanga neih ṭan tur niin India team hian US-ah hian kar hnih chhung training an nei phawt dawn a ni.

AFC Under 23 Championship qualifier-ah hian ram 40 awmin group sawmah ṭhen an ni a, group khatah team pali zel an awm. Group-a ti ṭha ber club chu nak­kuma China-a AFC Under 23 Cham­pionship khelh turah an tling nghal ang a, group-a pahnihna zinga ti ṭha pangain anni hi an zawm ve leh ang.

Inelna thlengtu tur China chu group hruaitu emaw pahnihna zinga a ti ṭha pangaah an tel phak a nih chuan pahnihna zinga a ti ṭha paruknaa lang phak chuan AFC Under 23 Championship hi an khel ve thei bawk ang. India hi qualifier-ah hian group C-ah Qatar, Syria leh Turkmenistan te nen an awmho a, senior team boss Stephen Constantine chuan a kaihruai dawn a ni.