Kvitova a rawn kir hnai

Petra Kvitova chu ten­nis court chhungah kan hmu leh dawn hnai ta. A ban zai a nih avanga thla nga chuang chawl tawh Kvitova hian kar hmasa khan training a nei leh tawh.

Nikum December thla khan Prostejov, Czech Republic-a a chenna inah chemte hmanga beih a ni a, a ban vei lamah hliam tuarin zai a ni.

Czech nula hi karleha khelh tur French Open-ah pawh a inlan thei tawh mai thei. Kvitova thupuangtu chuan hun tepter takah French Open a khelh dawn leh dawn loh a puan tur thu a lo sawi lawk tawh a ni.

Wimbledon vawi hnih champion tawh Kvitova hi hliam a tawrh tirh khan chuan world number 11 a ni a, tunah chuan 16-naah a tlahniam tawh. Hetichung hian a dam a nih phawt chuan Grand Slam seeded ni phak turin a ranking hi a la sang ṭha tawk a ni.

Kum 26-a upa Kvitova chuan, "Ka inkhel thei ve leh dawn ta hian min tih lawm ang bawkin tennis ngainatute chu a tih lawm ve ngei ka beisei," a ti. Kvitova hian tennis a khelh hun chhungin title 19 a la tawh.