Kum naupang ber Ajax

Europa League final-a Manchester United hma­chhawn Ajax hi naupang rual an ni. Dutch club tana inkhel bul ṭan zinga player paruk hi kum 21 leh a hnuai lam an ni a, European final-a starting eleven naupang ber an ni.

Dutch club tana inkhel bul ṭantu hi chawhrualin kum 22 leh ni 280-a upa an ni a, defender Matthijs de Ligt chu kum 17 leh ni 285 chauha upa a ni.

Ajax coach Peter Bosz chuan, "Inkhel hmuh­nawm a ni lo a, team pa­hnih goal khung theihna chance kan ngah lo ve ve. Final-a chak loh hi chu a lungawi thlak loh a, kan theihna angin kan khel chhuak lo. Chutihrualin ka player zawng zawng tan tun hi Europe-a final kan thlen vawi khatna a ni a, thil tam tak an zir ngei ka ring a, season tharah ṭha zawkin kan rawn kir ang," tiin an theihna anga an khelh chhuah loh thu a sawi.