Margaret Arena hming thlak dawn lo

Australian Open khelhna hmun­pui ber pakhat Margaret Court Arena chu a hming thlak tura sawiseltute thawm ring hle mah se thlak a ni dawn lo.

Grand Slam vawi 24 champion thei Margaret Court hi a vanglaiin Australian Open-ah vawi 11 ngawt a champion a, inelna hmunpui hi a hming an puttir hial.

Tunah chuan Margaret hi kum 74-a upa a ni tawh a, Christian pas­tor niin neih inang inkawp chu nataka sawiseltu leh duh lotu langsar tak pakhat a ni.

Grand Slam champion tawh pahnih Martina Navratilova leh Billie Jean King te chuan tunlai khawvel boruak nena thlirin Mar­garet Court Arena tih hi a hming thlak an duh a, vantlang hriatah thlak turin an nawr. Mahse, anmahni anpui kawp ching Navratilova leh Billie te duhdan hi a hlawhtling dawn ta lo a ni.

Thuchhuah siamin Tennis Australia chuan, "Mimal ngaihdan a ni a, a thu a ni," an ti. TA lam chuan Margaret Court-i chuan a ngaihdan a kaltlang pui avanga court hmingthlakna chhan tur an hriat loh thu an sawi a ni.