June 7-ah Indian football hma hun

Indian football kal zel dan tur chungchang chu June 7 khian Kuala Lumpur, Malaysia-a Asian Football Confederation hmunpuiah ngaihtuah a ni dawn a, he meeting hi AFC general secretary Dato Windsor John chuan a kaihruai ang.

AFC general secretary hi Nilaini khan India-ah a lo zin a, AIFF hruaitute nena inkawmna neiin he hunah hian players, in­frastructure, national league leh commercial partners chungchang an sawi ho a, June 7-a sawikhawm leh turin thu an dah ta a ni.

Kuala Lumpur-a ṭhu­­tkhawmah hian FIFA com­petition department hotu, India sorkar hnuaia Ministry of Youth Affairs and Sports hotu, I-League, Indian Super League leh IMG-Reliance aiawhte tel tura beisei an ni a, kumin kumtir lama AIFF nena inhmu thiam lo Indian player intelhkhawm pawl Football Players' Association of India (FPAI) aiawhte sawm tum an ni bawk.