Rooney tan hmun a awm lo

Nimin tlai khan England manager Gareth Southgate-a'n Scotland leh France hmachhawn tur squad a puang a, captain Wayne Rooney hming a lang ve lo.

Kum 31-a upa Rooney hian ram tan match 119 khel tawhin goal (53 goals) khung hnem ber a ni mek a, mahse tun season-ah beisei a phak lo - Manchester United tan Premier League match 15-ah chiah inkhel bul a ṭan phak a, inelna hrang hrangah goal riat chiah a khung.

Rooney koh a nih loh laiin Manchester United rawlthar duhawm Marcus Rashford chu koh a ni a, Tottenham right-back Kieran Trippier chu a vawi khat nan ram tana koh a ni bawk.

England hian June 10-ah World Cup qualifier khel turin Hampden Park-ah Scotland an lenchilh dawn a, June 13 khian friendly match khel turin France an pan dawn bawk a ni.