East Bengal-ah Brandon a lut

Aizawl FC winger Bran­don VL Remdika chuan Lalramchullova hnung zuiin East Bengal a pan a, Kolkata club-ah hian kum hnih chhung khel turin contract a ziak.

Hunthar veng tlangval Bran­don hi I League-a Aizawl FC an champion-na kawngah a thawhhlawk takzet a, match 11-ah inkhel bul ṭanin goal thum a khung. Kolkata club lam pawhin Brandon-a theihna an hmuh hmaih lo a, an lalut ta a ni.

East Bengal hian I League U18 final lut an academy nau­pang aṭangin players pariat chu professional contract an ziahpui bawk a, heng zingah hian Lung­lei rawlthar Lalchhanhima (Tetepuia) chu a tel bawk.

Hetihlai hian Aizawl FC chuan captain Alfred Kemah Jaryan chu season khat dang cham turin contract thar an ziahpui a, Liberian midfielder hi Mizoram Premier League leh season thar I League-ah Mizo club tan a inlan leh dawn tihna a ni.