India hockey team an puang

Commonwealth Games 2022 khel tur India hockey team hming tarchhuah a ni a, an zingah hian Mizo nula Lalremsiami Hmar pawh a tel. Inelna neihna tur hmun hi Birminngham, England a ni ang.

India nulate hi FIH Hockey Women's World Cup 2022 khel zo hlim an ni a, tournament an khelhna Spain aṭangin player tam zawk hian United Kingdom an pan tlang nghal - World Cup khel zo hlim an nih avangin an lakah beiseina pawh a sang ve hle.

India captain Savita Punia chuan, "Vanduai thlak takin World Cup-ah khan kan nihna ang takin kan khel chhuak thei lo. Commonwealth Games 2022-ah chuan rilru hahdam leh engthawl takin ṭha taka kan khelh theih ka ring.

"Tournament pahnih inkar a zau lo, hei hian player awmkhawmte inkarah thawhhona ṭha a siam. Chawlh nei hman lo mah ila kan taksa chau tawngkhawng erawh a reh hman, inelna kan hmachhawn leh hmain kan hahdam hman vek ang," tiin a sawi.

India nulate hian an match hmasa ber atan July 29, Zirtawpniah Ghana an hmachhawn ang.

Goalkeepers: Savita Punia (captain), Rajani Etimarpu

Defenders: Deep Grace Ekka (vice captain), Gurjit Kaur, Nikki Pradhan, Udita

Midfielders: Nisha, Sushila Chanu Pukhrambam, Monika, Neha, Jyoti, Navjot Kaur, Salima Tete

Forwards: Vandana Katariya, Lalremsiami, Navneet Kaur, Sharmila Devi, Sangita Kumari