City tan KDB bawk

Manchester City chuan nimin khan pre-season tour-a an match-ah Club America chu 2-1 in an hneh a, Premier League champion tan Kevin De Bruyne chuan goal hnih a khung - Mexican club tana Henry Martin goal khungin awmzia a nei lo.

City tan Julian Alvarez chuan bul ṭanin, a club thar tana a match hmasa ber a khel a, free transfer-a lakluh keeper Stefan Ortega pawhin si ban nghakin City tana a match hmasa ber a khel.

Leeds United aṭanga City zawmtu Kalvin Phillips chu bench aṭanga lutin City tana a match hmasa ber a khel a, mipui hmuh châk Erling Haaland erawh bench lamah hun a hmang tluan thung.

City hian July 24-ah Bayern Munich nen friendly match an khel leh ang a, US-a an tour a zo ang. July 30, zan dar 9:30-ah Liverpool nen Community Shield-ah an intum ang a, an tan season bul ṭanna match tur a ni.