Chhinga Vengin RSC hneh nghal

GIG Motors Pro Volleyball League inkhel hmasa berah Chhinga Veng tan Gurinder Singh leh Mandeep Singh te an khel ṭha a, Ramhlun Sporting Club 3-0 in an hneh.

Ningani zana R Deng-ṭhuama Indoor Stadium-a inkhelah hian Chhinga Veng-in 25-21, 25-14, 25-21 in hnehna an chang a, set an hloh lo. India captain hlui Gurinder chu game hmasa ber aṭangin a khel ṭha a, point 13 hlap chhuakin 'player of the the night'-ah thlan a ni. India tana World Cup khel tawh Mandeep pawh a danglamna hmuh turin a awm.

Nizan khan 3rd Bn MAP leh TNT te an inkhel a, result kan hre hman lo. Zanin hian Hunthar leh Chhinga Veng te an inkhel ang.