Stadium puitling sakna tur Kan pe ang - Vijay Goel

Union sports minister Vijay Goel chuan Aizawl FC-in I League champion an nih a lawmpui a, Mizoram sorkar hnehnah stadium puitling sakna tur pek a nih tur thu a sawi.

Ningani khan Vijay Goel leh Aizawl FC pre­sident Robert Romawia Royte ten inkawmna an nei a, hetah hian Robert Romawia chuan Aizawl FC tan Asial level inelna lian khel turin AFC Standard Stadium Mizorama kan neih loh vanga harsatna chu Mizoram mipui leh football ngainatute tan harsatna lian tham tak anih thu a hrilh.

Sports minister chuan, "Aizawl FC Champion lawmnan Aizawl a sta­dium puitling sakna tur sum Mizoram sorkarah ka pe ang," tiin a sawi. Goel hian hian sawi chhunzawmin, he a thu­sawi bawhzui nan hian stadium sakna tur hmun hi Mizoram sorkar in a siam theih chuan Mizoram Chief Minister hnenah lehkha thawnin a thiltum te hi a hriattir tur thu a sawi bawk a ni.