Jenson Button a zam lo

Jenson Button chu Formula 1 a chawlhsan hnuah tunkar tawp hian a rawn kir leh dawn a, driver ṭha tak tak nen inel dawn mah se a zam loh thu a sawi.

McLaren-in an driver chhawr lai Fernando Alonso chu Indianapolis 500 lamah an chhawr rih a, hei vang hian a hmun ruak luah lailawk turin kum 2009 F1 cham­pion Button an ko kir - Pathianni tlai a tlan tur Monaco Grand Prix an tlan ang.

Kum 37-a upa Button chuan, "He intlansiaknaah hian kum 17 chhung hun ka lo hmang tawh ṭhin a, hei vang hian Monaco-ah buaina ka neih ka ring lo. Mihring kan nih chuan duh kan nei ṭhin, ka duh chu hnehna chan a ni," a ti, a ti kimtu nih satliah a tum lo hle.

Kuminah Mercedes leh Ferrari ten inelna an thunun hneh hle a, team dang tan hmun a awm rih lo. Lewis Hamil­ton, Valtteri Bottas leh Sebastian Vettel te chiahin hnehna an la chang thei - McLaren car khalh chunga hnehna chang tur chuan a awlsam lo khawp ang.