Carrick-a'n contract pawt sei

29th May, 2017

Manchester United midfielder Michael Carrick chuan kum khat dang atan contract a pawtsei leh ta. United tan hian kum 2018 June thla thleng a khel dawn tihna a ni.

Kum 35-a upa Carrick hian 2006 July khan Tottenham aṭangin Old Trafford a pan a, Premier League nomawi panga bakah FA Cup (1), League Cup (2), FIFA Club World Cup leh UEFA Champions League nomawi a chawi - kar hmasa lawk khan a vawi khat nan Europa League champion a nih pui bawk.

Jose Mourinho chuan a senior midfielder-in contract a ziak fel leh thei chu a lawm thu a sawi a, Carrick chu khelmual chhungah leh pawnah player naupang zawkte tan entawn tlak a nih thu a sawi bawk.

United hian kar hmasa khan defender Antonio Valencia chu kum 2019 thleng cham turin contract an ziahpui tawh bawk a ni.