French Cup Champion PSG

Paris St-Germain chuan French Cup champion ni turin Angers chu minute 91-naa defender Issa Cissokho-a own goal hmangin an hneh.

Tun season-ah Unai Emery naute hian beisei an phak lo, AS Monaco lakah French Ligue 1 nomawi an kawl lai an chan a, Champions League last 16 aṭangin Barcelona hneh loin an tla bawk.

Spanish manager tan season duhawm tia sawi tur a ni lo, mahse French Cup bakah French League Cup-ah te nomawi an chawi avangin Sevilla manager hlui hi Paris-a a season khatnaah hlawhchham der tia sawi tur erawh a ni bik lo.

PSG chairman Nasser Al-Khelaifi chuan, "Chiang taka ka sawi theih chu kan coach hi a chhuak dawn lo, season tharah chuan kan danglam dawn tih erawh ka sawi tel thei bawk," a ti. Europe-a hlawhtlin duh club hian hmasawn an tum.