Chhinga Veng leh TNT chak

Pro Volleyball Lea­gue-ah Chhinga Veng chuan Inrinni zan khan R. Deng­ṭhuama Stadium-ah Hunthar an hneh a, Zirtawp zanah TNT-in 3rd MAP an hneh bawk.

TNT hian inelna ṭan zana Chhinga Veng an hneh loh hnuin an insiam ṭha a, Ningani zan khan 3rd Bn MAP chu 3-2 (25-18, 26-28, 25-21, 25-27, 15-11) in an hneh a, inkhel hmuhnawm a ni. TNT hian hnehna an chan avangin point hnih an hmu a, 3rd Bn MAP hi an chak zo lo nachung­in set hnih an lak theih avangin point khat an hmu ve bawk. Player of the night-ah feet sarih leh inches hniha sang TNT spiker Jatin Singh chu thlan a ni.

Chhinga Vengin harsatna nei loin Hunthar 3-0 (25-22, 30-28, 25-20) in an hneh a, Chhing­a Veng player India aiawha World Cup vawi thum khel tawh Mandeep Singh chu player of the night-ah thlan a ni.

Vawiin hian PVL match en tur a awm dawn lo a, naktuk zan hian hmeichhe inelna ṭan a ni ang a, Power leh Electric Veng te an inkhel ang.