Watford coach thar Marco

Premier League club Watford chuan Hull City boss a nihna aṭanga bang hlim Marco Silva chu an coach thar ni turin an lalut a, Portuguese manager hian kum hnih cham turin contract a ziak.

Kum 39-a upa manager hi Watford-in kum nga chhunga manager an lakluh pakuana a ni. January khan Hull-ah Mike Phelan thlakin English football-ah a hun a hmang ṭan a, relegation zone aṭanga Hull a chhanhim zawh loh hnuah banna thehlutin Hornets (Watford sawina) a zawm ta.

Hull chairman Scott Duxbury chuan, "Europe-a club hrang hranga a hnathawh ropui tak aṭangin Marco hi coach ṭha tak a ni tih kan hria a, Premier League coach zinga duhtu ngah ber pawl a ni," tiin an coach thar chungchang a sawi.

Estoril, Sporting Lisbon leh Olympiakos pawh lo enkawl tawh Silva hian Vicarage Road-a season tawp ruala a hna bansantu Walter Mazzarri hmunruak a luah dawn a ni.