Honduras-ah fans pali an thi

Motagua leh Honduras Progreso inkhelah mipui innek buaina avangin mi pali an thi a, hliam eng­emawzat an awm bawk. Honduras khawpui Tegu­cigalpa-a inkhel hi title playoff match a ni a, Police chuan stadium chhunga mipui leng zat aia tam ticket hralh a nih vanga chhiatna hi thleng a nih thu an sawi.

Hetihlai hian an home atana chhiatna hmun khelmual hmangtu Motagua chuan mipui 35,000 lenna stadium-ah a leng chin aia tam ticket an hralhchhuah loh thu an sawi a, ticket lem erawh a tam thu sawiin he thil laka an inven theih nan hun rei tak aṭang tawhin thuneitute an hriattir lawk thu an sawi ve thung.

Motagua chuan chhiat­na tawk leh an chhungte an tawrhpui takzet thu an sawi a, hliam tuarte pawh an dam thuai theih nan duhsakna an hlan thu an sawi bawk.