Hmeichhe team Power an chak

GIG Motors Pro Volleyball League khelh mekah Thawhlehni zan khan hmeichhe inelna neih ṭan a ni a, Power Department Sporting Club chuan Electric Veng 3-2 a hnehin PVL-a hmeichhe team chak hmasa ber an ni.

R. Dengthuama Indoor Stadium, Mual­puia inkhelah Power hian 25-18, 17-25, 25-19, 22-25, 21-19 in hnehna an chang. Power captain Vardingliani chuan point 33 a hmu a, Player of the Night lawmman a dawng a ni.

Kumin Pro Volleyball League-ah hian mipa team panga bakah hmeichhe team pathum an tel. June 6 zanah Power hian Durtlang an hmachhawn leh dawn a, June 10 zanah Electric leh Durtlang intum lehin league round an khel zo ang.

Hmeichhe inelnaah hian a chak zawk hian point hnih hmuin a chak lo lamin point khat an hmu thung - an inkhelh kual hnuah a sang pahnihin final an khel dawn a ni.