Thailand lamah Saina Nehwal

Tunkar chhunga khelh tur Thailand Grand Prix Gold-ah Indian shuttler Saina Nehwal leh B Sai Praneeth te an inlan dawn, nimin khan qualifier khelh niin zanin lamah in­el­na tak neih ṭan a ni ang.

World number 1 hlui Saina hian kumtir lam khan Malaysia Masters a la tawh a, nomawi lian dang a la chawi leh lo. Saina hian a match hmasa berah Slovakia nula Martina Repiska a hmachhawn dawn a, a chak chho zel a nih chuan Michelle Li leh Busanan Ongbamrungphan te a hmachhawn thei ang.

Singapore Open cham­­pion hlim Praneeth-a'n beiseina sang tak nen Bangkok a pan, ani hian Indonesia tlangval Na­thaniel Ernestan Sulistyo lakah fiahna hmasa a hma­chhawn thung dawn a ni.