Hliam tuar Mladenovic chak hram

French Open khelh mekah hmeichhe singles champion thei tura rinkai zinga mi Kristina Mla­denovic chuan a hnung­zânga na nei chungin first round a paltlang hram.

Seeded 13-na Mlade­novic hian Thawhṭan­ni zan khan Philippe Chatrier Court-ah a match hmasa ber a khel a, darkar khat leh minute 25 an inkhelh hnuah 3-6, 6-3, 9-7 in a chak hram.

Inkhel dangah Caro­line Wozniacki pawhin kum 17 leka upa Jaime Four­lis lakah fiahna hau­tak a hmachhawn nghal, seeded 11-na hian 6-4, 3-6, 6-2 in hnehna a chang hram a ni. Fourlis hi world number 337-na daih a ni a, wildcard pek a nih vanga inlan thei chauh a ni.