CYMA Volleyball hmuhnawm dawn

Central YMA leh Mizoram Volleyball Association buatsaih D3 Amrit Cement Inter Branch YMA Volleyball Tournament 2022 boruak a sang chho zel a, vawiin hian R. Dengṭhuama Hall, Mualpuiah team ṭha leh player ṭha hmuh tur an awm ang.

Inelna neih hnuhnun ber kum 2018 finalist Zawlnuam Vengpui an inlan dawn a, Hriangtlang an hmachhawn dawn. Zawlnuam Vengpui hi champion rinkai ni pha an ni a; Mizo player ṭha Lalramnunfela, Laltlanchhuaha, Lalnunpuia leh Lalruatdika te an kawl a, an ṭha tawk hle.

Court 1-ah Republic Vengthlang leh Kawnpui Chhim Veng te an inkhel dawn a, Kawnpui Chhim Veng hian Pro Volleyball League-a best player ni lai Vanlalṭanchhana (Valbuanga) a khel dawn. Valbuanga hi feet ruk leh inches hniha sang a ni a, player hmuhnawm bik a ni. India U20 team atana kohna dawng thei Valbuanga hi tlarhma chauh ni loin tlarhnungah pawh ni se ball pek ngam a ni a, a service ringawt pawh a hmuhnawm pha.

Thenzawl Bazar-ah pawh TNT-a khel Ramdinpuia a awm a, Zanlawn lakah hmun pawimawh a chang phak ang. Volleyball khel thiam veng Nursery-in Laldensanga an kawl a, Ṭhuampui lakah chak tura rinkai zawk an ni thei ang.