All India Sub-Junior Badminton Ranking Tournament Mizo naupang tel an ṭhahnem

25th July, 2022

Goa-a neih mek All India Sub-Junior (Under-15 & Under-17) Badminton Ranking Tournament chu Inrinni khan Goa-ah ṭan a ni a, July 30 thleng awh tur inelnaah hian Mizo naupang ṭhahnem tak an tel.

Inrinni khan qualifying khelh ṭan a ni a, inelnaa tel Mizo naupangte hi Pullela Gopichand Badminton Academy (PGBA) coach Lalhlimpuia leh Malsawmkima (Maski-a), Mission Veng Badminton Academy te chuan a hmunah an telpui a ni.