Laver Cup-ah Djokovic, Nadal leh Federer

Rafael Nadal, Roger Federer leh Novak Djokovic te chu Laver Cup-ah an inlan dawn, anni pathum bakah hian Andy Murray pawh a tel dawn tih a chiang tawh; Team Europe tana khel turin hmunruak pakhat a la awm tihna a ni.

Laver Cup-ah hian Team Europe leh khawvel hmun dang zawng aṭanga thlan khawm Team World te an inkhel ṭhin. Team World atan hian Felix Auger-Aliassime, Taylor Fritz leh Diego Schwartzman te chu tihchian an ni ve tawh bawk.

Wimbledon champion hlim Djokovic chuan, "Kan elpuite nena kan ṭanho theihna awmchhun a ni a, a hluin a nuam dangdai dawn hle. Rafa, Roger leh Andy te hi player ropui pathum an ni a, ka hmachhawn tawh zinga a ṭha pathum an ni.

"Anni ho nena kan ṭangkhawm a nih chuan a nuam khawp ang," tiin a sawi a, an khingpui tur lam tan chuan hmachhawn châkawm lo tak an ni dawn. Chutihrualin Team World player en hian chak chiangsa tia sawi theih an ni bik lo.