West Ham leh Scamacca inrem

Premier League club West Ham chuan Gianluca Scamacca an lalut dawn, Sassuolo striker manah hian pound maktaduai 30.5 an hmang dawn a, tun nipui bazar chhunga Hammers player lei thar palina a ni ang.

Kum 23 mi Scamacca hian season hmasa khan Serie A match 36 a khelh aṭangin goal 16 a khung a, goal khung hnem pahnihna a ni - a kum a la tam loh avangin hmabak a nei eng hle.

Nikum September thla khan Italy tana khel turin koh a ni a, ram tan hian match sarih a khel tawh; Azzurri tan hian goal erawh a la khung chiah lo.

Scamacca hma hian Nayef Aguerd,Alphonse Areola leh Flynn Downes te an lo lei tawh bawk.