Liverpool-in Chelsea striker la dawn

Season thara Cham­pions League khel tur Liver­pool-in an squad an thuam chhah ṭan a, Chelsea rawlthar duh­awm Dominic Solanke chu lakluh turin inremna an siampui tawh - July 1-ah Liverpool hi a zawm ang a, kar khatah £20,000 a hlawh ang.

Kum 19-a upa striker hian Blues-a a contract neih­lai a hmang zo a, Lon­don club nen a contract thar tur chungchangah inremna an neih theih loh avangin Reds lam hi a hawi ta a ni. Solanke hi kum 24 ala tlin loh avangin Merseyside club hian a man zatah erawh pound maktaduai thum an insen tho a ṭul ang.

England tana age level hrang hranga inlan tawh Solanke hi UEFA European U17 Championship-a an champion ṭum khan Eng­land team-ah a tel a, 2014-15 season khan Chelsea Academy Player of the Year-ah thlan a ni bawk.

Chelsea senior team tana vawi khat chiah la inlan striker hi 2015-16 season khan Vitesse Arnhem-ah loan-a chhuahtir a ni a, Dutch club tan hian match 25 a inlanah goal sarih a khung sak a ni.