Zaninah Pro Volleyball League

GIG Motors Pro Vol­ley­ball League-ah zanin dar 8:00 hian Chhinga Veng leh 3rd Bn MAP te an inkhel dawn a, R. Dengthuama Indoor Sta­dium, Mualpuiah in­khel hmuhnawm a awm dawn tihna a ni, en man a awm lo.

PVL kai thar Chhinga Veng hian Ramhlun Sporting Club leh Hunthar Veng te set hloh lo a an hneh ve ve avangin zanina an chak chuan semifinal-ah an lut ang. An result ṭha hi an vanneih vang a ni lo a, Chhinga Veng hi PVL2 ṭan hma hian MVA Invitation-ah an champion tawh.

Team panga inel zinga Mizo hlang awm chhun Police team hian TNT lakah vawi hnih set an hloh hmasa chungin chhang let zui thei zel mah se set nganaah an khawng tawk lo. Chhinga Veng lamin India captain hlui Gurinder Singh leh India aiawha World Cup vawi thum khel tawh Mandeep Singh an kawl bawk avangin 3rd Bn MAP hmabak a harsa ang.