Russian athletes dilna hnawl

International Asso­cia­tion of Athletics Fe­de­ra­tions-in a hrem lai Russian athlete-te chuan neutral athletes anga inlan an dilna chu hnawl sak an ni.

Russia hian an sorkar hriatpuina ngeiin an in­fiammite chu dan a bawh­chhiattir tih hmuh chhuah a ni a, nikum aṭang khan IAAF chuan Russia athle­tics federation chu khawvel pum huap inelnaa an inlan ve a phal lo.

Infiammi ṭhenkhat chu neutral athlete angin Rio Olympic-ah khan tel phalsak an lo ni tawh a, tun hnaiah mi 31 ten dilna an thehlut a, 28 chu hnawl niin mi pathum - 400m runner Kseniya Aksyo­nova, javelin thro­wer Vera Rebrik leh 400m hurdler Vera Rudakova te dilna erawh pawm sak an ni.