Zlatan Ibrahimovic a 'luck'

Manchester United striker Zlatan Ibrahimovic agent Mino Raiola chuan a player chuan khawvel hmun hrang hrang aṭang­in dawrtu a neih thu a sawi a, a hmalam hun chung­changah thutlukna eng­mah siam a la nih loh thu a sawi lang nghal bawk.

Kum 35-a upa Ibra hian nikum nipui transfer lai khan Manchester United hi free transfer-in kum khat atan a zawm a, a contract hi a ṭul dan a zira pawhsei theih tura ruahman a ni. United-in Swedish striker chelh an duh thu an tichiang tawh a, June 30-a a contract hmang zo tur Ibra-a'n thutlukna a la siam lo thung.

Raiola chuan, "United nen contract pawtsei tura indawrna kan neih mek thu hi phat tur a awm lo. Eng ang chiahin nge an player hi an ngaihhlut a, eng rilru nge a chungah an put tih hi kan ngaihchan mek chu a ni," tiin a stri­ker chu hlawh sang zawk hlawhtir a tum niin a lang.

United a zawm hnuah Ibra-a'n inelna hrang hrangah match 46 khelin goal 28 a khung sak a, Premier League-ah goal 17 a khung. Mahse, April thla khan a khupah hliam a tuar avangin a chawl mek.

Raiola chuan a player chu inkhel tura a dam thuai a beisei thu a sawi nghal a, August thlaa Premier League round hma­sa berah erawh a inlan hman a beisei awm loh.

Old Trafford-a Ibra hlim leh hlim loh chung­chang an zawhna chu, "Ka nau hian a goal khungna apiang hi nuam a ti mai a, team pawh a chungah an lawm ka beisei," tiin a sawi.