Lukaku a chhuak mai thei - agent

Everton striker Ro­melu Lukaku chuan sea­son tharah club dang a zawm theih thu agent Mino Raiola-a'n a sawi chhuak.

Belgium international hian Everton tan season duhawm a hmang zo hlim a, Premier League match 36 a khelh aṭangin goal 25 a khung a, club tana goal khung hnem ber a ni.

Merseyside club hian March thla khan contract thar an zawrh chu Lukaku hian a hnar, a chhan lian tak nia lang chu Champions League khelh a duh vang a ni. Everton hi league table-ah pasarihna an nih avangin season tharah Europe-a inelna sang berah hian an inlan dawn lo.

Raiola chuan, "Tunah hian inbiakna kan la nei lo, nipui transfer lai hian dawrtu erawh kan neih ngei ka ring. A duh ang club a hmuh chuan chhuak thei dinhmunah a ding," a ti.