Australia leh New Zealand inkhel dawn

ICC Champions Trophy khelh mekah inkhel hmuh­nawm hmuh tur a awm nghal dawn a, vawiin tlai dar 3:00-ah Australia leh New Zealand an inhmachhawn ang. Nimin tlai khan a thlengtu England leh Bangladesh an inkhel a, he thuziah a nih lai hian result kan hre hman lo.

Kumin kumtir lam khan Chappell-Hadlee Trophy ah team pahnih hi an lo inhma­chhawn tawh a, 2-0 a series lain Black Caps (New Zealand sawi­na) an chungnung zawk. Vawi­inah inrintawkna nen Australia an hma­chhawn thei ang.

Hetihrual hian in­el­na neih a nih hma warm up match hnih an khelhah New Zealand-in India ngam loin Sri Lanka an hneh thung a, Kane Williamson(c), Martin Guptill leh Tim Southee te awmna team hi an dinhmun tur sawithiam a harsa hle.

Tun tournament-a rin hlawh ber pawl chu Australia an ni. Tun hnaiah player leh Cricket Australia inkarah hlawh vangin buaina awm mah se captain Steven Smith hoa David Warner, Aaron Finch, Glenn Maxwell leh Chris Lynn te ding chhuak turin Black Caps bowler tan buaina tham an ni dawn a, Mitchell Starc, James Pattin­son, Pat Cummins leh Josh Hazlewood-te ho inkawp aia 'pacer' ṭha zawk thlan tur an vang viau bawk.