TNT lakah Hunthar vannei

GIG Motors Pro Volleyball League khelh mekah Nilaini zan khan Hunthar Veng chuan TNT, Muanna Veng 3-2 a hnehin semifinal luh an beiseina an chhi nung thar ve leh ta.

R. Dengṭhuama In­door Stadium, Mual­puia inkhelah Hunthar hian 22-25, 25-16, 25-19, 21-25, 15-8 in hnehna an chang. An match hmasa zawkah Hunthar hi Chhinga Veng lakah set khat mah la lo­­in an tlawm a, tun ṭum­­ah erawh insiam-ṭhain Santhosh Kodakkal chu player pawimawh a ni.

Kerala tlangval Ko­dak­kal hian point 33 hmu­in LG D3 Player of the Night atan thlan a ni. Ani bakah hian Lalbiakmuana leh Samson VL Chhan­chhuaha te chu player pawimawh an ni bawk.

Zanin hian a hmun ngaiah PVL hi khelh chhunzawm tur a ni a, TNT hian Ramhlun SC an hmachhawn leh nghal ang a, Inrinni zanah Hunthar leh 3rd MAP te an inkhel leh thung ang.