Zenit boss thar Mancini

Russian club Zenit St Petersburg chuan Man­chester City coach hlui Roberto Mancini chu an team enkawl turin an lalut. Italian manager hian kum thum chhung atan contract a ziak phawt a, a ṭul dan a zirin kum hnih dang pawhsei theih a ni ang.

Kum 52-a upa mana­ger hian Mircea Lucescu hmunruak a luah dawn a, Russian coach Lucescu hi kar hmasa khan season khat lek Zenit a enkawl hnuah ban a ni. Zenit hian Russian Premier League-ah pathumna dinhmun luah­in season an khar a, season tharah Champions League an khel thei dawn lo.

Player a nih laia Italy tana vawi 36 inlan thei Mancini hian kum 2012 khan Premier League-ah Manchester City a cham­pion pui a, 2013-a City a chhuahsan hnuah Galatasaray leh Inter Milan enkawl lehin tunah chuan Russia a pan dawn ta.