Saina leh Praneeth an kal zel

Thailand Open Grand Prix Gold khelh mekah Saina Nehwal leh Sai Praneeth te chuan Ningani zan khan an khingpui ve ve hnehin quarterfinal an lut.

Seeded pahnihna Saina hian Malaysian nula Ying Ying Lee chu 21-11, 21-14 in a hneh. World number 11 hian semifinal lut tur chuan Haruko Suzuki a paltlang leh a ngai dawn a ni.

Mipa singles lamah seeded pathumna Praneeth tan quarterfinal lut turin harsatna a awm lo. Indian tlangval hian Iskandar Zulkarnain chu 21-13, 21-18 in a hneh a, nizan khan Kantaphon Wang a hmachhawn zui leh - he thu buatsaih lai hian result kan hre hman lo.