Mourinho-a'n min ring - Terry

John Terry chuan hliam a nei chung pawhin Jose Mourinho chuan training-na leh match-ah a khelhtir ṭhin thu a sawi.

Kum 36 mi Terry hian Premier League nomawi nen a club hmangaih Chelsea a mangṭha a, June thla a ral rualin Blues player a nihna a tawp ang.

English defender Terry chuan, "Ka la hriat reng chu Jose Mourinho hnuaiah kha chuan ka ke zung-ṭang a tliak a nih pawhin inkhel tur leh training turin minti ṭhin a. Hei vang hian Mourinho hnuaia nomawi kan chawi hnuhnung ber ṭum kha chuan kumtluanin ni khatah ṭum hnih na­chhawknain min chiu ṭhin. Kan champion ṭum hian match zawng zawngah ka khel tluan vek a, tum miau chuan theih loh a awm lo," tiin club tana a theihna zawng zawng a chhuah thu a sawi.

Chelsea legend chuan sawi chhunzawmin, "Mawl thlak pawh inti a ni maithei a, kei chuan kan ṭhatna tur thil tam tak min petu football club tan naktukah pawh ti leh turin ka inpeih a ni," tiin a sawi.