WAFCON champion South Africa

Women's Africa Cup of Nations-ah South Africa an champion a, final-ah inelna thlengtu Morocco chu 2-1 in an hneh a, Prince Moulay Abdellah Stadium, Rabat-a mipui ṭhutna 53,000 a khat vek a, a tam zawkin ui tak chungin WAFCON final an mangṭha.

Banyana Banyana (South Africa hmeichhe team sawina) tan hian Hildah Magaia chuan goal hnih a khung a, South Korean club Sejong Sportstoto tana khel hian a team chu ropuina ramah a hlangkai.

Morocco tan hian Rosella Ayane chuan goal khat a khung ve bawk a, mahse, Tottenham Hotspur forward-in goal a khung hian Morocco hian goal hnih an chhuah tawh a, goal dang an khung zui loh avangin an tho leh tawh lo.

South Africa hian tun hmain WAFCON final vawi li lo khel tawh mah se, 2000, 2008, 2012 leh 2018-a final an khelhahte a chak lo zawkah an ṭang vek a, a tawpah chuan an champion ve ta.

Banyana Banyana captain Refiloe Jane chuan, "Banyana Banyana zinkawng in thlir chuan tawnhriat danglam leh hnuk tiulh thei tak a ni," a ti a, lawm avanga a ṭah nasat thu a sawi.

South Africa coach Desire Ellis chuan, "A nuam ka ti a, African champion ka ni ta - tuman min chhuhsak thei tawh lo," a ti - a hlim takzet.

WAFCON final

Morocco 1 - 2 South Africa

MOR: Rosella Ayane 80'

SOA: Hildah Magaia 63', 71'