Ka record en mai ru - Ronaldo

Cristiano Ronaldo-a'n Champions League-ah goal 105 a khung tawh a, amah sawisel la duh ṭalhte chu a 'record' en mai turin thurawn a pe!

Portugal captain chuan, "Ka career-a ka hun tawn duhawm ber ni hialin ka hria a, mah se he thu hi chu season tinin ka sawi mai a nih hi," a ti.

Champions League nomawi pali chawi tawh forward chuan, "Tunah chuan min sawiseltute pawhin min sawisel harsa an ti tawh dawn tih a chiang a, number lam khu thlir mai rawh u," tiin amah sawisel duhte chu a goal khung zat, a nomawi chawi zat leh a record siam zat chhiar phawt turin thurawn a pe.

Real Madrid forward Ronaldo hian group stage-ah goal hnih chauh khung mah se knockout stage-ah goal 10 a khung avangin goal 11 khungtu Lionel Messi aiin goal khatin a khung tam zawk a. Portugal captain hi mahni hma sial tihin sawi ṭhin mah se kumin UCL-ah assists vawi ruk neiin Barca forward Neymar (8) chiah a pha lo.

Ronaldo hian Champions League final pathumah (2017, 2014 leh 2008) goal a khung tawh a, hetiang ti ve thei player dang an awm lo. Ram leh club tan Ronaldo hian goal 600 a khung tling tawh bawk - Champions League-a a goal khung zat 105 hnaih bertu Lionel Messi aiin goal 11-in a khung hnem zawk bawk.