Griezmann chhuak dawn lo

Antoine Griezmann chuan tun nipui transfer chhungin Atletico Madrid a chhuahsan loh tur thu a ti chiang ta.

France international forward hian thla hmasa khan La Liga club chhuhsanin Manchester United a pan theihna kawng a awm thu a sawi tawh a, mahse tunah chuan Atletico tan a khelh chhunzawm dawn tih a chiang.

Infiamna lama thubuai ngaihtuahtu sang ber Court of Arbitration for Sport-in Atletico Madrid hi nipui transfer laia player lalut thei lo turin a hrem mek. Diego Simeone-a'n nak­kum January thla hma chu player thar a la thei dawn lo tihna a ni.

Kum 26-a upa Griezmann hian an club-in hun harsa an tawh laia club dang zawm chu thil tih chi a nih loh thu a sawi a ni.