MFA Super Cup June 22 thleng entry fee pek theih
Mizoram Football Association Super Cup 2017 chu June 28 aṭangin Aizawlah khelh ṭan a ni dawn.
He inelnaah hian MFA, District FA leh Zone FA hnuaia affiliated club eng pawh tel theih a ni a, Mizoram chhung khawi hmun atang pawhin a tel theih ang.
MFA Super Cup 2017-ah hian Mizoram Premier League club-te pawhin round hmasa ber atangin bul an ṭan vek dawn a, inkhel tur hi pawh chawp vek tur a nih avângin eng division club pawh an insu nghal thei dawn a ni.
Tel tumte chuan entry fee Rs 500/- MFA Office, City Park-ah June 22 thleng pek theih a ni. MFA chuan MFA Super Cup 2017 khel turin Mizoram chhunga football club zawng zawng a sawm a ni.