Saina zinkawng a tawp

Thailand Open Grand Prix Gold khelh mekah Saina Nehwal chu semifinal paltlang zo loin a tla. Mipa singles lamah Sai Praneeth chuan final a lut thung.

Bangkok-a inkhelah world number 1 hlui Saina hian Busanan Ongbamrungphan chu 21-19, 21-18 in a hneh lo. Tun hmain Saina hian Busanan hi vawi thum ngawt a hneh tawh a, tun ṭumah erawh game khatmah la loin a chak lo zawkah a ṭang ve ta a ni.

Mipa singles seeded pathumna Praneeth chuan seeded pawh ni phak lo Pannawit Thongnuam chu minute 36 chhung lekin 21-11, 21-15 in a hneh. Kum 24-a upa Praneeth hian final-ah Jonatan Christie a hmachhawn leh a, hnehna a chang a nih chuan India tlangval tan a Grand Prix Gold title hmasa ber a ni ang.