Real-ah Bale a hlim

Gareth Bale chu Champions League champion Real Madrid-ah a hlim a, club dang a melh lo.

Kum 27 mi Bale chuan, "Nomawi kan chawi ve zel a, kan hlimin nuam ka ti a. Hun rei tak khel turin contract ka ziak bawk," tiin a sawi. Welsh forward hian nikum October thla khan kum 2022 thleng daih turin Spanish club tan hian contract a ziah belh.

Bale chuan, "Real Madrid ka zawm chhan chu nomawi ka duh vang a ni a, nomawi kan chawi zel avangin nuam ka ti. Champions League-ah kum li chhungin vawi thum kan champion a, chhuanawm tham a ni. Ka chhungte pawh helai hmunah hian an hlim a ni," tiin club dang a melh loh thu a sawi.

Welsh forward hian an team chu an la naupan avangin hmabak an la neih êng thu a sawi a, an pianna hmun ngeia Champions League nomawi a chawi thei chu lawmawm a tih thu a sawi tel bawk.