Champion thar kan hmu dawn

French Open hmei­chhe singles champion lai Garbine Muguruza chu Pathianni zan khan Kristina Mladenovic lak­ah a chak lo a, singles player upa ber Venus Williams zin kawng a tawp bawk.

Suzanne Lenglen Court-a inkhelah Spain nula Muguruza hi 6-1, 3-6, 6-3 in a chak lo. Inkhel en tuten khawtual nula Mladenovic an ṭan zia nasa takin an lantir a, Muguruza hian fans vangin inkhelh a harsat thu a sawi chhuak hial.

Kum 23-a upa Mugu­ruza chuan, "French Open a ni a, fans lamin khaw­tual mi an ṭan em em kha chu ka hrethiam. Mahse khatiang em em a nasa khan min au el duh ang tih ka ring phak lo, a harsa takzet a ni," tiin a sawi.

Roland Garros-ah hian Mary Pierce-i chuan kum 2000 khan nomawi a chawi tawh a, Pierce-i hnuah a ram mi champion thei an la awm leh lo.

Inkhel dangah Grand Slam vawi sarih champion tawh Venus Williams chu Timea Bacsinszky lakah 5-7, 6-2, 6-1 in a tlawm. Tun thla a kum 37 tling tawh tur Venus hi nikum khan last 16-ah bawk vuak tlak a lo ni tawh.

Hmeichhe singles-ah hian Mladenovic, Bac­sinszky, Caroline Wozniacki leh Jelena Osta­penko te quarterfinal an lut tawh a, nizan khan Karolina Pliskova, Simona Halep leh Elina Svitolina ten last 16 an khel vek bawk.