Ama puala inkhel-ah Carrick-a'n goal a khung

Pathianni zan khan Old Trafford-ah Michael Carrick-a pualin inkhel buatsaih a ni a, kum 2008-a Premier League leh Champions League champion kawp thei Manchester United leh All Star Team inkhelin 2-2 in an inhnehtawk.

United hi Sir Alex Ferguson-a'n a ho a, player inlan an lansarh bawk avangin entu pawh mipui 70,000 zet an pungkhawm. All Star Team lam tan Champions League final-a ṭum hnih Valencia hruai thlengtu Gaizka Mendieta (22') goal hmahruai khung chu Nemanja Vidic (28') hmangin United-in an sut a, second half-ah Robbie Keane (64') hmangin All Star-in hma hruai nawn mah se Carrick-a'n ama pual inkhelah siphurh sutna goal a khung.

Carrick hi hun tawp hmain Paul Scholes-a'n rawn thlak lehin kum 35 mi English midfielder lawmna thawm a ring hle. United hian an club tana kum 11 chhung khel tawh Carrick tan testimonial match buatsaih sak mah se English midfielder hian Red Devils tan kum khat dang contract a la ziah belh avangin season tharah a la inlan dawn tihna a ni.

Tute nge khel?
United 08' XI: Edwin van der Sar, Wes Brown (Graeme Carrick 62'), Nemanja Vidic (Gary Neville 45'), Rio Ferdinand (Mikael Silvestre 45'), Patrice Evra, Ji-sung Park, Michael Carrick (c), Paul Scholes (Louis Saha 45') Darren Fletcher, Ryan Giggs, Wayne Rooney (Dimitar Berbatov 45').
Michael Carrick All-Star XI: Shay Given, Michel Salgado (Alex Bruce 45'), Jamie Carragher, John Terry (c), Eric Abidal (Philip Neville 35'), Damien Duff (Joan Capdevila 35'), Gaizka Mendieta (Richard Garcia 45'), Marcos Senna (Trevor Sinclair 74'), Clarence Seedorf (Damien Duff 63'), Robbie Keane, Michael Owen (Eidur Gudjohnsen 35').