Thailand Open champion Praneeth

India badminton star Bha­midipati Sai Praneeth chuan Grand Prix Gold title hmasa ber la turin Pathianni zan khan Thailand Open final-ah Christie Jonatan a hneh.

Bangkok-a inkhelah seeded pathumna Praneeth hian game hmasa ber hloh mah se insiamṭha nghalin Indonesia tlangval lakah hian 17-21, 21-18, 21-19 in hnehna a chang.

Kum 24-a upa Pra­neeth hian tun hnaiah Singapore Open Super Series nomawi a la hlim bawk a, Indian shuttler zingah Saina Nehwal, Kidambi Srikanth leh PV Sindhu te hnungzuiin Super Series title la thei palina a ni bawk.

World number 22 Pra­neeth chuan. "Eng inelna pawh nise pakhat­na nih hi a hlu, a bik takin Thailand-a champion hi ka tan a hlu zual hle. Player langsar leh thiam tak tak an inlan a, ka khelh ṭhat piah lamah ka vannei tel bawk. Ranking-a hma ka sawn zel hian min ti lawm hle bawk a ni," tiin a sawi.

Thailand Open cham­pion a nih vang hian lawmman atan Rs 77,21,400 a dawng a, Badminton Association of India (BAI) presi­dent Himanta Biswa Sarma chuan Praneeth hi cheng nuai thum an pek tur thu a sawi nghal bawk.